إزاي تحترف الصيد كصاحب بيزنس ؟
هل تعلم يا عزيزي ويا شريكي في الإهتمام بعالم البيزنس والأعمال
أن هناك تشابه كبير بين البيزنس والصيد !
وأنا لن أدعي أنني ملم بكل أنواع التشابه بينهما ولكنني أطرح عليك خاطرة تجول ببالي
لكنني لا أجزم بصحة كلامي من عدمه ، فهذا القرار دائما أتركه لك.
نرجع لموضوعنا ، علاقة الصيد بالبيزنس !
✓ لعلي ألمس التشابه الكبير بينهما في تاريخ تطور الصيد
وعقليات أصحاب البيزنس ،،
• وأنا هنا لا أشبه العميل بالسمكة ، فأنا أكن للعميل كل إحترام لأننا ببساطة كلنا عملاء لبعضنا
لكنني أفند الشبه بين عقليتك في التسويق كصاحب بيزنس وطرق الصيد المختلفة على مر العصور
• خليني أقولك قصدي ببساطة وبكلامنا الشعبي السلس
• الصيد تطور على مر العصور وأكيد شوفت صور أو افلام أو وثائقيات بتديك فكرة عن الصيد
وأنه بدأ بشكل بسيط وفردي وبدائي سواء باليد أو بطعن السمك داخل المياه
✓ وطبعاً اتخيلت دلوقتي قد ايه الموضوع مرهق وصعب وقد ايه الانتاجية ضعيفة جداً
• بعدين ده تطور من فردي لجماعات الصيد وده للحصول على إنتاجية اكبر
بضرب إنتاجية الفرد * عدد أفراد المجموعة
• بعدين للصيد بالصنارة فردي فجماعي ، وعلشان ماطولش عليك …
• بعدها بالشبك ، فردي فجماعي
• بعدها بالمراكب الصغيرة ، فردي فجماعي
• بعدها بالمراكب الأكبر فالأكبر
• فمركاب الصيد العملاقة
• طبعا بجانب آليات الصيد نفسها سواء نوع الصنارة ونوع وحجم الشبك وغيره من آليات
• وربما سيتطور عن ذلك أو تطور بالفعل …
طيب ده الصيد ، البيزنس بقى ؟!
• البيزنس برضو كانت ليه آلياته وآدواته في التسويق
• من الكلام ، العرض في السوق محلات وشركات وغيرها
، للكلام بصوت اعلى ، فردي فجماعي ، للزيارات ، للدعاية الورقية
للشوارع ، للراديو ، للتليفزيون للانترنت فالميل
والفون والتطبيقات والسوشيال ميديا وغيرها …
• طيب ده تطور وده تطور ايه المشكلة وفين الشبه ؟
• لو قلنا إن زي الصيد متطور ، أليات التسويق اتطورت
• وحاولنا نقول على سبيل الفرض والتشبيه والاسقاط و…
إن التسويق بالكلام شبه الصيد بالأيد
وإن الصيد بالصنارة ، زي التسويق المباشر من خلال مناديب
وإن المركب ، زي الشركة الصغيرة وإن الصيد بأليات المركب الكبير
زي التسويق باعلانات الراديو والتلفزيون وإن الصيد بالمركب العملاقة زي الشركات الكبيرة
الي بتستعمل كل أليات التسويق الحديثة والفعالة
• ينفع كشبه ، لو مينفعش ، يبقى فكرتي موصلتش أو معرفتش أوصلهالك
• أما لو ينفع فكمل معايا …
لو سألتك دلوقتي أيه أحسن طريقة للصيد في كل الطرق الي ذكرتها هتكون أيه .. ؟
• طيب لو قلتلك إن في ناس عندها مراكب صغيرة جاهزة للصيد بس بتسيبها وتصطاد بأيديها ، أيه رأيك فيهم ؟
• ولو قلتلك في ناس عندها مراكب كبيرة جاهزة للصيد بس بتسيبها
وتصطاد بصنارة مع انها بتتكلف عمال وبنزين وصيانة وبلاوي زرقة
تقول عليهم أيه !!
• طيب لو قلتلك إن في مراكب عملاقة بس طريقتها في الصيد نفس طريقة المراكب الصغيرة ؟ تشوفهم إزاي !
الي عاوز أقوله إعرف إنت مين أو عاوز أيه واصطاد بالطريقة الصح
الي تناسب نوع المياه وحجم الهدف وتخرج أحسن طاقاتك الإنتاجية .